Kuningan – Khatulistiwatipikor.com
Sawelas Taun Nyukcruk Galur
Sawelas taun, lain waktu pondok, tapak nu leutik tumuwuh jadi lengkah nu nanjak. Ti sakeupeul niat, ti leungeun-leungeun nu ngariung, ngajanggélék jadi imah pikeun budaya Sunda.
Sunda lain ngan ukur basa, lain ngan ukur lagu jeung igel. Sunda téh haté nu hérang, budi nu lemes, silih asah, silih asih, silih asuh.
Sundawani, ngaranna ngandung wani:
wani nyebut jati diri, wani mulang ka akar sorangan,
wani mapay deui galur karuhun.
Sanajan jaman ngahalimpu ku nu anyar,
sanajan basa lemes mimiti jauh tina biwir,
ulah cicing, ulah ngarasa leuleus,
sabab obor leutik ogé bisa maturan peuting.
Tina sawelas taun urang diajar:
yén leungeun nu ngariung leuwih kuat
batan pundak nu nanggung sorangan,
yén budaya bakal hirup lamun dipikanyaah,
dipaké, jeung diwariskeun.
Muga Sundawani salamina langgeng, tumuwuh pageuh kawas caringin nu akarna nyangkaruk, ngayoman lembur, ngajaga lemah cai, nepi ka puputon nu datang masih bisa nyebut: “Kuring urang Sunda.”
Wilujeng milangkala nu ka-11, Sundawani!
Sing rancagé, sing mangpaat, sing jaya.
Terjemahan Dalam Bahasa Indonesia:
Sajak Sunda Sebelas Tahun Menelusuri Jejak
(Sajak untuk Hari Jadi Sundawani ke-11)
Sebelas tahun bukanlah waktu yang singkat,
jejak yang kecil tumbuh menjadi langkah yang menanjak.
Dari segenggam niat, dari tangan-tangan yang berkumpul, menjelma menjadi rumah bagi budaya Sunda.
Sunda bukan hanya sekadar bahasa,
bukan hanya sekadar lagu dan tarian.
Sunda adalah hati yang jernih, budi yang halus,
saling mengasah, saling mengasihi, saling mengasuh.
Sundawani, namanya mengandung makna berani:
berani menyebut jati diri, berani pulang ke akar sendiri,
berani menelusuri kembali jejak leluhur.
Meskipun zaman diselimuti oleh hal-hal yang baru,
meskipun bahasa halus mulai jauh dari bibir, jangan diam, jangan merasa lemah, sebab obor kecil pun mampu menemani malam.
Dari sebelas tahun kita belajar:
bahwa tangan yang berkumpul jauh lebih kuat
daripada pundak yang memikul sendirian,
bahwa budaya akan tetap hidup jika dicintai,
digunakan, dan diwariskan.
Semoga Sundawani selamanya abadi,
tumbuh kokoh bagaikan beringin yang akarnya menghunjam kuat, mengayomi kampung halaman, menjaga tanah air, hingga akhir masa yang akan datang masih bisa berkata:
“Aku orang Sunda.”
Selamat hari jadi yang ke-11, Sundawani!
Kenzie Ukail Absar . Minggu,15 November 2026.
(Red)
